പ്രയാണം ശ്രീ കല. പൂവച്ചൽ

 പ്രയാണം

വയലേല പൂക്കുന്ന നാട്ടിലെന്റെ
വായ്ത്താരിയായ് വളർന്ന ഭാഷേ ,
തുഞ്ചനും, കുഞ്ചനും, പിന്നെക്കവികളും
സ്നേഹിച്ചു ലാളിച്ചു തൊട്ടിലാട്ടി,
മികവാർന്ന ഭാഷയായ് നീ വളർന്നൂ.

അഭിമാനവെറ്റിക്കൊടിയുയർത്തി
ക്കേരളം ഭാരത തിലകമായി. കാലം
കഴിയവേമാറ്റമായി
പരിഷ്കാര രഥ്യകൾ രഥമുരുട്ടി
സംസ്കാരസ്സീമകളടർന്നുത്തേങ്ങി !

തോരാത്തക്കണ്ണീരുമുണ്ണാത്ത വയറുമായ്
ത്തെരുവിലലഞ്ഞു മലയാള ഭാഷ !
പെങ്ങളെ വിറ്റിട്ടുകാശിന്നു പേശുന്ന-
യാങ്ങളമാരുണ്ടനവധി !
അവരുടെ ചുണ്ടത്തൊട്ടിരിക്കുമ്പോൾ
വീർപ്പുമുട്ടുന്നുയെന്റെ മലയാളം !

അറബിക്കടലിലെക്കല്ലോലഭിത്തിയിൽ
തലയെറിഞ്ഞുടച്ചൊരു
പൈതലിൽ രോദനം .!
അമ്മേ' യെന്നുയുളളാ വിളി
പ്രതിധ്വനിക്കുന്നുണ്ടുന്നാ
ലുദിക്കിലുമിപ്പൊഴും !കറിവച്ചന്നരമാംസഗന്ധവു,
ക്കുരുതിക്കളത്തിലൊലിച്ചിറങ്ങിയച്ചോരയും,

മാനഭംഗത്തിന്റെ വിഴുപ്പുപ്പേറുന്ന
ഭാണ്ഡവും ചുമലിലേറി മുതുകുവളഞ്ഞു
വിതുമ്പിത്തളരുന്നു മലയാള ഭാഷ
എന്തിനേറെപ്പറയണംമണമാളും മലയാളിയല്ലിന്നു നാം !
മാനം മറക്കുന്ന മലയാളിയോ നാം
മരണം മണക്കുന്നമലയാളമോ ?

പച്ചയ്ക്കു ചിരിച്ചിട്ടു പ്രാണനിൽ ക്കുത്തുന്ന,
ചങ്കിലെച്ചോരയിൽച്ചതിയൂട്ടി വാഴുന്ന,
മലയാളിയാളുന്നനാടിന്നു കേരളം.....ചങ്കുറപ്പോടൊന്നുറക്കെപ്പറയാമോ
ചങ്കിലെച്ചോരയിൽ മലയാളമെന്ന് ???
പൂവണിപ്പൂരിത മലയാളമെന്ന് ....

തിന്മകൾക്കൊയ്യാത്ത പണ്ടത്തെപ്പാടത്തു പാടിരസിച്ച
മലയാളിയെന്ന് ?
അമ്മിഞ്ഞ നുകർന്ന വായ്കൊണ്ടു ച്ചൊല്ലിയ
മാധുര്യമൂറുന്നമലയാളമുണ്ടോ ? അന്ന്
ഉണ്മയേറിയ മലയാളി നാം ഇന്ന്
നന്മവറ്റിയമലയാളമോ !

തെറ്റും ശരിയും തിരിച്ചറിയാതെത്തെറ്റിന്റെയോരത്തു
ക്കാവലിരിക്കും മലയാളി നാം!
തെറ്റിരട്ടപ്പെറ്റൊരുത്തെറ്റിന്റെ
യിരട്ടപ്പെരുക്കമാണിന്നു കേരളം !
എങ്ങോട്ടുയെങ്ങോട്ടു നിൻ പ്രയാണമെൻ മലയാള നാടേ...എങ്ങോട്ടുയെങ്ങോട്ടു പ്രയാണമെൻമലയാള ഭാഷേ.....?